Сайаана Львова хаартыскаҕа түһэриитэ
Бүгүн Дьокуускай күнүн көрсө, балаҕан ыйын 12 күнүгэр, куорат баһылыга Дмитрий Садовников суруналыыстарга «Чочур Мыраан» экологическай-этнографическай комплекска аһаҕас кэпсэтиини ыытта. Бу тэрээһин — кини дуоһунаһыгар киирбитин кэнниттэн суруналыыстары кытта бастакы улахан көрсүһүүтэ.
Аһаҕас кэпсэтиигэ анаммыт сирэ анаан талыллан, куорат устуоруйата хотугу айылҕаны кытта алтыһар сиригэр, «Чочур Мыраан» комплекска баар Атыыһыт дьиэтигэр буолла.
Официальнай көрсүһүү куорат баһылыгын эҕэрдэлээһининэн эрэ муҥурдаммакка, Дьокуускай инники кэскилигэр сытыы ыйытыктары биэрэргэ тоҕоостоох түгэн тосхойдо. Көрсүһүүгэ суруналыыстар бастатан туран, куорат дьаһалтатыгар саҥа анааһыннар, каадыр туһунан ыйыталастылар. Дмитрий Дмитриевич бүддьүөтү сүрүннүүр Алена Неустроеваны, үөрэхтээһиҥҥэ эппиэттиир Ольга Яшинаны, ОДьКХ солбуйааччы Андрей Лебедевы, о.д.а. куораты сайыннарыыга күүстэрин-уохтарын ууран үлэлиэхтэрэ диэн эрэнэрин эттэ.
Дьокуускай куорат имиджин үрдэтиигэ бэйэтэ көрүүлээҕин, сотору кэминэн кини архитектордары, дизайнердары, худуоһунньуктары мунньан киин куорат биир кэлим кодун оҥоруохпут диэтэ.
«Дьокуускай куорат ырыа ылланарын курдук, Дьоллоох куорат. Манна мин ыал буолбутум, оҕолорум төрөөбүттэрэ, Мин бу куорат бары олохтоохторго дьолу тосхойуоҕун баҕарабын. Онуоха биһиги куорат тупсарын курдук үлэлиэхтээхпит», — диэтэ куорат мэрэ.
Төһө да бырааһынньыктыы эйгэ буоллар, суруналыыстар кыһалҕалаах боппуруостары тумнубатылар. ОДьКХ, кыстыкка бэлэмнэниигэ, хаарбах дьиэттэн көһөрүүгэ, оскуола тиийбэтин боппуруоһугар, уулуссалары өрөмүөннээһиҥҥэ, о,д.а. ыйытыыларга хоруйдары ыллылар. Дмитрий Дмитриевич дьокутааттары кытары көдьүүстээх үлэ барыаҕын эттэ.
Суруналыыстары кытары көрсүһүү иккис чааһынан, саха үтүө үгэһинэн, Дмитрий Садовников ыалдьыттары хоту дойду маанылаах балыгыттан — чыыртан минньигэс миини буһаран күндүлээтэ. Кини хоту дойдуттан төрүттээҕин, балыктааһын, ону астааһын туһунан кэпсээтэ, истиҥ эйгэҕэ суруналыыстар ыйытыыларыгар хоруйдаата.
Сайаана Львова хаартыскаҕа түһэриилэрэ
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…