Хаартыска: "Якутия" АХ
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн солкуобай көрүлүннэ. Бу үп улуустар икки ардыларыгар социальнай суолталаах таһаҕаһы уонна улуустар кииннэриттэн Дьокуускай куоракка диэри рейстэри субсидиялыырга ыытыллар», — диэн Айсен Николаев «Якутия, вперёд!» биэрии кэмигэр иһитиннэрдэ.
Субсидия боппуруоһа Арассыыйа Федерациятын Бэрэсидьиэнэ Владимир Путин салалтатынан ыытыллыбыт сүбэ мунньахтарга эмиэ көрүллүбүтэ, ол түмүгэр тустаах сорудахтар бэриллибиттэрэ. Билиҥҥи кэмҥэ бу хайысханан үлэ салҕанар.
«Субъектар уратыларын учуоттуур наада — эрэгийиэннэр араастар. Холобур, сүүһүнэн килэмиэтиргэ көтүү, биитэр Арктикаҕа курдук — тыһыынча килэмиэтиргэ. Федеральнай былаас көмөтө суох эрэгийиэннэр кыайаллара уустук», — диэн бэлиэтээтэ Айсен Николаев.
Өрөспүүбүлүкэ баһылыга бу туһунан бэлиэтээн туран, сөптөөх быһаарыылар ылыллыахтарыгар диэри Саха Өрөспүүбүлүкэтэ бэйэтин бүддьүөтүн суотугар соругу салгыы быһаарыаҕын эттэ. Өрөспүүбүлүкэ бырабыыталыстыбатыгар сыл саҕаланыаҕыттан, ол иһигэр улуустар икки ардыларыгар таһаҕаһы таһыыга, социальнай суолталаах рейстэргэ уонна улуустар ыккардыларыгар таһаҕаһы таһыыга, наадалаах үбүлээһин кээмэйин өрөспүүбүлүкэ бүддьүөтүгэр көрөргө сорудах бэрилиннэ диэтэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…
Иккис тииптээх саахар диабетыгар анаммыт, укуол ирдэммэт, капсула көрүҥнээх эми Волгоградтааҕы мэдиссиинэ судаарыстыбаннай университета оҥорбут.…