Дьокуускай куорат баһылыгар “Сатал” олохтоохторун боппуруостарын быһаарарга сорудах бэрилиннэ

Ил Дархан Айсен Николаев Дьокуускай куорат баһылыгын Евгений Григорьевы кытта көрүстэ. Манна “Сатал” түөлбэ олохтоохторо учаастактарын сокуонунан бигэргэтиллиитин боппуруоһун көрдүлэр.

“Миигиттэн тустаах түөлбэ элбэх олохтооҕо көрдөһөр. Биллэн турар, дьон бырааба чөлүгэр түһүөхтээх. Кыһалҕаны быһаарар бары суоллары тобулар уонна учаастактарын докумуоннуурга көмөлөһөр ирдэнэр”, — диэн Айсен Николаев сорудах туруорда.

Маныаха улахан түөлбэ социальнай инфраструктуратын эрдэттэн көрөр наада. Бастакы уочарат оскуола тутуутун боппуруоһа көрүллүөҕэ.

Евгений Григорьев Ил Дархаҥҥа боппуруостары быһаарар барыйааннары билиһиннэрдэ.

“Сүнньүнэн, боппуруоһу быһаарар суолларга өрөспүүбүлүкэ баһылыга сөбүлэстэ. Көннөрүүлэри киллэрэн баран, Ил Дархаҥҥа быһаарыы ылынарга бүтэһиктээх барыйааны көрдөрүөхпүт”, — диэн Евгений Григорьев эттэ.

Ил Дархан уонна Бырабыыталыстыба пресс-сулууспата