Дьокуускайга 117 дворник хаары ыраастыыр

Дьокуускайга ааспыт сыл алтынньытыттан тохсунньуга диэри хаар мунньар полигоҥҥа 202 тыһыынчаттан тахса кубометр хаар тиэйиллибит. Хаары ыраастааһыҥҥа муниципальнай дворниктар, суол үлэһиттэрэ уонна сүүһүнэн тиэхиньикэ үлэлииллэр.

Куоракка 117 киһи дворниктыыр. Кинилэр тротуардары уонна дьон сылдьар сирин киртэн уонна хаартан ыраастыыр эбээһинэстээхтэр. Автодорожнай, Сайсары, Промышленнай курдук улахан уокуруктарга 12-лии дворник үлэлии-хамсыы сылдьаллар. Киин, Губинскай, Гагаринскай курдук сирдэрин иэнинэн арыый кыра уокуруктарга аҕыстыы дворник ырааһы хааччыйыынан дьарыктаналлар.

Киин куоракка хаары ыраастааһын хайдах ыытылларын бу сигэниигэ киирэн ааҕыаххытын сөп.