Салгыы
До выборов президента РФ
00 дней
:
00 часов
:
00 минут
:
00 секунд
Дьокуускайга дойду бастакы харыйата сандаарыаҕа

Дьокуускайга дойду бастакы харыйата сандаарыаҕа

01.12.2023, 11:40
Хаартыска - Мария Васильеваа /СИА
Бөлөххө киир:

Бүгүн, ахсынньы 1 күнүгэр, Дьокуускайга дойду бастакы харыйатын араас уотунан күлүмүрдэтэн сандаардыы буолуоҕа.

Тэрээһин Доҕордоһуу болуоссатыгар 16 чааска саҕаланыаҕа. Бу суолталаах тэрээһин Москваҕа ВДНХ кылаабынай аллеятыгар турбут улахан экраҥҥа куйаар ситиминэн Дьокуускайтан быһа көстүөҕэ. Бу күннэргэ Москваҕа «Россия» норуоттар икки ардыларынааҕы быыстапка-пуорум буола турар. Онон үгүс ыалдьыт бу тэрээһини кэрэхсии көрөрө чахчы. Дьокуускай сүрүн харыйатын  кытта биир тэҥҥэ Саха сирин улуустарыгар эрэ буолбакка, дойду үрдүнэн бары Саҥа дьыллааҕы харыйалар сандаарыахтара.

Кылаабынай аллеяҕа 90 Саҥа дьыллааҕы күөх харыйа турда. Онтон биирэ – Арассыыйа сүрүн харыйата, 89 – эрэгийиэннэр. Москваҕа ВДНХ-ҕа буолар тэрээһиҥҥэ Тымныы полюһа Өймөкөөн Чысхаана кыттар. Онно кини Великай Устюгтан кэлбит Тымныы оҕонньорго Кыһын курустаал символын туттарыаҕа, Саха сирин харыйатын туһунан билиһиннэриэҕэ.

Хаартыска -

Кэрэхсэбиллээҕэ баар, 17 чааска Дьокуускай Орджоникидзе болуоссатыгар киин куорат  кылаабынай харыйатын сандаардыахтара. Ол кэнниттэн Саҥа дьыллааҕы күлүмүрдэс уотунан симэммит автоколонна Орджоникидзе болуоссатыттан Доҕордоһуу болуоссатыгар тиийиэҕэ. Онон бүгүн олус кэрэ көстүүлээх тэрээһиннэри куоттарымаҥ, доҕоттор!

+1
1
+1
1
+1
0
+1
0
+1
0
+1
0
+1
0
Бары сонуннар
Салгыы
4 марта
  • -19°C
  • Ощущается: -19°Влажность: 70% Скорость ветра: 1 м/с

Сообщить об опечатке

Текст, который будет отправлен нашим редакторам: