Дьокуускайга Кыайыы Знамятын көтөхтүлэр

Бүгүн, ыам ыйын 8 күнүгэр, Дьокуускайга Кыайыы болуоссатыгар Кыайыы Знамятын күөрэччи көтөҕүү сиэрэ-туома ыытылынна.

Кыайыы Знамятын болуоссакка знаменнай бөлөх  киллэрдэ: старшай лейтенаннар Алексей Трифонов, Игорь Двоеглазов, Александр Затул уонна 14129-с чаас измерительнай пуунун лейтенана Кайрат Ажигалиев. Онтон Саха сирин байыаннай комиссара Александр Авдонин уонна 14129-с чаас измерительнай пуунун начаалынньыга, подполковник Владимир Леоненко Знамяны көтөхтүлэр.

Тэрээһиҥҥэ муниципалитет бэрэстэбиитэллэрэ, норуот дьокутааттара, байыаннайдар уонна уопсастыбаннас кыттыыны ыллылар.

78 сыл анараа өттүгэр, 1945 сыллаахха, 150-с Идрицкэй стрелковай дивизия былааҕын байыастар М.Кантария, М.Егоров рейхстаг үрдүгэр Кыайыы Знамятын күөрэччи көтөхпүттэрэ.