Дьокуускайга Кыргызстан олохтооҕо арыгы атыылаан тутулунна

ИДьМ пресс-сулууспата иһитиннэрбитинэн, Дьокуускайга «Тишина» диэн суһал-сэрэтэр тэрээһин чэрчитинэн, ИДьМ 4№-дээх  полиция салаатын үлэһиттэрэ 32 саастаах Кыргызстан олохтооҕун туттулар.

Бу киһи Дьокуускайга Семен Данилов аатынан уулуссаҕа бэйэтин массыынатын иһиттэн арыгы атыылыы туран тутуллубут. Быраабы кэспит Кыргызстан олохтооҕор РФ административнай быраабы кэһии кодексатын 14.17.1 ыст.  1  ч. иһин  «Сокуону кэһэн туран физическэй сирэйдэргэ арыгы атыылаабытын иһин» боротокуол толоруллубут.

Сокуону кэһэн арыгы атыылаан харчылаһар дьону утары тэрээһин үлэлэр салҕаналлар.