Дьокуускайга минивэн тимир күрүөҕэ кэлэн түстэ. Суоппар тыына быһынна
27.03.2024, 16:35
Хаартыска: Госавтоинспекцияттан.
Бөлөххө киир:
Бүгүн, кулун тутар 27 күнүгэр, Дьокуускайга суол быһылааныгар суоппар суорума суолланна. Барыллаан дааннайынан, суоппар сүрэҕэ таарымталанан өлбүт. Бу туһунан киин куорат Госавтоинспекцията иһитиннэрэр.
Саахал Билибин уулуссатыгар быһа холоон 10:20 чаас саҕана буолбут. «Тойота-Лит-Айс-Ноах» мааркалаах массыына Сэргэлээхтиир шоссеттан Уустаах Избеков уулуссатын диэки айаннаан испит. Массыына суол утары балаһатыгар эмискэ тахсыбыт уонна тимир күрүөҕэ кэлэн түспүт.
Быһылаан буолбут сиригэр «суһал көмө» биригээдэтэ тиийэн, суоппары госпитализациялаабыт. 60 саастаах суоппар «суһал көмө» массыынатыгар тыына быстыбыт. Кини чопчу туохтан өлбүтүн эспэртиисэ быһаарыаҕа диэн ГИБДД иһитиннэрэр.
+1
+1
+1
+1
+1
3
+1
1
+1
1
Сообщить об опечатке
Текст, который будет отправлен нашим редакторам: