Дьокуускайга оҕону уулуссаҕа эккирэппит эр киһини туттулар

Дьокуускайга оҕону уулуссаҕа эккирэппит эр киһини тутан полиция отделыгар аҕаллылар. Кини олунньу 12 күнүн киэһэтигэр Хабаров уулуссатын оройуонугар оҕону эккирэппит. Бу туһунан СӨ ИДьМ пресс-сулууспата иһитиннэрэр.

Санатан суруйдахха, уол оҕотун билбэт эр киһи эккирэппитин туһунан киин куорат олохтооҕо дьахтар полицияҕа сайабылыанньа суруйбута. Быһылаан бэнидиэнньиккэ, олунньу 12 күнүгэр буолбут.

Куттаммыт уолчааҥҥа ытын күүлэйдэтэ сылдьар дьахтар көмөлөспүт. Дьахтары көрөөт, төбөтүгэр мааска кэппит эккирэтэн иһэр киһи саһан хаалбыт. Дьахтар оҕону дьиэтигэр диэри атааран биэрбит.