“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.
Албан ааттаах хорсун боотурдар
Аан дойдуга араллаан таһааран,
Алдьархайдаах иэдээни оҥорон,
Эмискэ тиллэр күннээх Украинаҕа
Эриэн моҕой нацизм ыамата.
Тоҥ харахтарынан тобулу одуулаан,
Таныытын сүлүһүнүн саккыратан,
Аҕыс сыл бар дьонун сэймэктээн,
Аҕылыар диэри хааннарын испэхтээн.
Суоһурҕанар биһиги дойдубутугар,
Содуллаах дьаатынан нацист кыыла,
Тохтообот эйэлээх тыллары ылынан,
Түллэҥнии сыыллар Ийэ дойдуга.
НАТО халыҥ харчытыгар тирэҕирэн,
Наһаалыыр элбэх өлүүнү таһааран,
Мунньунар уот ньаалаҕай күүһүн
Муҥура биллибэт элбэх сэрии сэбин.
Салаллар биһиги Ийэ сирбитигэр.
Сиэмэх араас кыылларын ыҥыртаан.
Онуоха Ийэ дойдубут түрдэстэ уордайан,
Олохтоох дьон ытыыр ынчыгын истэн,
Сүдү улахан сөптөөх соругун ылынар,
Саалаах саадахтаах боотурдарын ыҥыран.
Бардылар буойуттар охсуһуу толоонугар,
Биир киһилии нацистары суох оҥороорулар.
Түүннэри-күннэри иэдээннээх сэриигэ,
Толлубат боотурдар инники кирбиигэ,
Хамсанан имсэнэн Уруй! Айхал! Алгыстаах,
Хараҥа күүһү абаккара кыдыйтыыллар .
Эриэн, хара бастаах нацист кыыла,
Элбээн үөскүү турар үгүс үптэн.
Сарын санныларыттан ылсыһаннар,
Сиэрдээх бырааттыы Норуоттардыын,
Түҥ былыр Олоҥхо дойдутуттан,
Төрөөн үөскээн тэнийэн кэлбит,
Модун хорсун хоһуун боотурдарбыт,
Мөхсүнэллэр уоттаах сэрии үөһүгэр.
Охтоллор сорохтор кытаанах киирсиигэ,
Омуннаах буулдьаны сүрэххэ хабаннар,
Кыайыы күнүн түргэтэтэн биэрээри,
Кэтэһиилээх кэммитин бэттэх аҕалаары.
Ытаамаҥ дуу, ийэккээннэр.. оҕоҕут буорун ыаратан,
Ытаамаҥ дуу , аҕаккааннар.. оҕоҕут кутун аймаһытан,
Күндү ымыы оҕолоргут үйэлэри уҥуордаан,
Көмүс буукубаларынан ааттарын суруннулар.
Баараҕай боотурдар бу сиргэ өрүү тыыннаахтар,
Быралыйар дьылларга эдэр хоһуун мөссүөннэрэ,
Сулустуу сандаардыннар инники көлүөнэҕэ!
Санаа күүһэ буоллуннар үүнэн эрэр ыччаттарга!
Махтал, Ийэ сирбит хоһуун уолаттарыгар!
Махтал, модун күүстээх боотурдарбытыгар!
Махтал, сарыал сарсыҥҥы күннээхпитигэр!
Махтал, утум хатар хорсун буойуттарбытыгар!
Умнуллубат уһун үйэлэргэ дьоруойдардаах,
Улуу эһэлэрдээх саха саллааттара!
Ардай аһыылаах фашистары самнарбыт,
Аҕа дойду Улуу сэрииһиттэрин сиэннэрэ!
Кыайаҥҥыт, хотоҥҥут,
Этэҥҥэ сылдьаҥҥыт,
Эргиллэн кэлээриҥ!
Уруй! Айхал! Буолуохтун Эһиэхэ!
Албан ааккыт үрдүү туруохтун!
АХТАБЫТ, СУОХТУУБУТ, КҮҮТЭБИТ!!!
Аммалар Өрөспүүбүлүкэ күнүгэр анаан субуотунньук тэрийбиттэр. Уһун күөл тулатын ыраастаабыттар. Субуотунньукка сүүсчэкэ үөрэнээччи кыттыыны ылбыт. Бүтүн…
Суоттуга сэргэх тэрээһин буолла. Өрөгөй ырыатын биһирэмигэр нэһилиэк олохтоохторо муһуннулар. Бу күн «Мичээр» сынньалаҥ киинигэр…
Дьокуускайга уһуйаан үлэһиттэригэр аналлаах "Моделирование образовательного процесса по патриотическому воспитанию в ДОО" диэн куурус ыытылынна.…
Арассыыйа бэрэсидьиэнэ Владимир Путин муус устар 28 күнүгэр бырабыыталыстыбаны кытары экэниэмикэ боппуруостарыгар мунньах ыытта. Владимир…
Муус устар бүтүүтэ күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрэрий? Дьокуускайга уларыйа сылдьар былыттаах,…
Бу сылга бастакы электроннай бэбиэскэлэри аны күһүн ыҥырыллар гражданнарга туттараллара күүтүллэр. Муус устар 28 күнүттэн…