Салгыы
Дьоруой ийэлэри наҕараадалыырга — 20 мөлүйүөн солкуобайы

Дьоруой ийэлэри наҕараадалыырга — 20 мөлүйүөн солкуобайы

04.03.2024, 17:35
Хаартыска: СИА
Бөлөххө киир:

Элбэх оҕолоох ийэлэри наҕараадалыырга эбии 30 мөлүйүөн солкуобайы көрдүлэр. Тустаах ыйаахха РФ бырабыыталыстыбатын бэрэссэдээтэлэ Михаил Мишустин илии баттаата.

Бу сууматтан 20 мөлүйүөн солкуобайы Дьоруой ийэлэри наҕараадалыырга, 5,5 мөлүйүөн солкуобайы — «Төрөппүт Албан аата» уордьанынан наҕараадаламмыттары, 5,2 мөлүйүөн солкуобайы «Төрөппүт Албан аата» уордьан мэтээлинэн наҕараадаммыттары бэлиэтииргэ ыытыахтара. Холобур, Дьоруой ийэ анал бэлиэни кытары 1 мөлүйүөн солкуобайынан наҕараадаланар.

Арассыыйаҕа Дьоруой ийэлэр да, элбэх оҕолоох дьиэ кэргэттэр да ахсааннара эбиллэн иһэр. Ол иһин бүддьүөттэн көрүллүбүт суумаҕа эбии үбү көрөр буоллулар.

Арассыыйаҕа Дьоруой ийэ аатын 10-тан элбэх оҕолоох ийэлэргэ 2022 сылтан иҥэрэллэр. Онтон «Төрөппүт Албан аата» уордьанынан 7-тэн элбэх, «Төрөппүт Албан аата» уордьан мэтээлинэн 4-тэн элбэх оҕолоох төрөппүттэр наҕараадаланаллар. Бу төрөппүттэр үгүс дьоҥҥо холобур буолар, уопсастыбаннай олоххо көхтөөх, үтүө дьон буолуохтаахтар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 апреля
  • -2°C
  • Ощущается: -5°Влажность: 31% Скорость ветра: 2 м/с

Сообщить об опечатке

Текст, который будет отправлен нашим редакторам: