Хаартыска: Саргын Скрябин.
Бырабыыталыстыба бэрэссэдээтэлин бастакы солбуйааччы “О приоритетной поддержке товаров местного производства” сокуон барылын көрдө.
Мунньахха Ил Түмэн бэрэссэдээтэлин солбуйааччы, парламент бүддьүөккэ, үпкэ, нолуокка уонна сыана бэлиитикэтигэр, бас билии уонна приватизация боппуруостарыгар сис кэмитиэтин бэрэссэдээтэлэ Юрий Николаев, биисинэс түмсүүлэрин бэрэстэбиитэллэрэ, миниистирдэр кытыннылар.
Сокуон барылын Ил Түмэн Ыччакка парламена бэлэмнээбит.
“Биһиги оҥорбут сокуоммут үлэ саҥа миэстэтин таһаарарга, аҕыйах ахсааннаах хотугу норуоттар хаһаайыстыбаларын үлэтин киллэрэн туран, экэниэмикэ олохсуйбут салаатын өйүүргэ көмөлөһүөҕэ. Сокуоҥҥа түһээҥҥэ чэпчэтии, лиссиэнсийэни биэриини, бэлиэтээһини судургутутуу, судаарыстыбаннай уонна муниципальнай хантараактарга уонна олохтоох оҥорооччулары өйүүр атын миэрэлэри ыларга урутаан кыттыылара киирэр”, – диэн Ил Түмэн Ыччакка парламенын бэрэссэдээтэлэ Антон Васильев эттэ.
Бырабыыталыстыба бэрэссэдээтэлин бастакы солбуйааччы Дьулустаан Борисов: “Сокуон олохтоох оҥорон таһаарыыны көмүскүүр, сайыннарар суолталаах. Итини таһынан, биһиги табаары оҥорон таһаарааччыларбыт үлэлэрин бэрээдэктиэхтээх эрэ буолбатах, тас ырыынакка тахсалларыгар эмиэ көмөлөһүөхтээх”, – диэн бэлиэтээтэ.
Мунньах түмүгүнэн биэдэмистибэлэр икки ардыларынааҕы хамыыһыйа тэриллэн, саҥа этиилэри, көннөрүүлэри учуоттаан сокуон саҥа барылын ситэриэҕэ. «О приоритетной поддержке товаров местного производства» сокуон барылын Ил Түмэн күһүҥҥү сиэссийэтигэр киллэриэхтэрэ.
Ил Дархан уонна Бырабыыталыстыба пресс-сулууспата.
Билигин СӨ Култуура уонна духуобунай сайдыыга министиэристибэтин көҕүлээһининэн кииннэр ситимнэрин олохтуур үлэ бара турар. Ол…
Мин Кириэс Халдьаайыга кэлиэхпиттэн Мария Фёдоровнаны оскуола остолобуойугар көрөрүм уонна учууталларга ураты ытыктабыллаахтык сыһыаннаһарын бэлиэтиирим.…
Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть…
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…