Өрөспүүбүлүкэ Бырабыыталыстыбата виртуальнай кэнсиэрдиир саалалары тэриллэрин үллэрии мэтиэдикэтин уонна олохтоох бүддьүөккэ атын бүддьүөттэр икки ардыларынааҕы тиэрдиитин быраабылатын бигэргэттэ.
“Култуура” национальнай бырайыак иитинэн быйыл 1 мөл. солк. сууманы РФ Култууратын министиэристибэтин сүүмэрдиир куонкуруһугар кыайбыт Өлүөхүмэтээҕи оҕо искусствотын оскуолатын кэнсиэрдиир саалатын хааччыйыыга бэриллиэҕэ.
Көрүллүбүт үбүнэн тиэхиньиическэй уонна технологическай тэрили ылыахтара: экран, проектор, онлайн биэриилэр сиэрбэрин уонна акустика систиэмэтин.
Култуура уонна духуобунай сайдыы миниистирэ Юрий Куприянов бэлиэтииринэн, эрэгийиэн уонна федеральнай бүддьүөт суотугар өрөспүүбүлүкэҕэ инникитин кэнсиэрдиир саалалары үчүгэй акустиканан хааччыйан виртуальнай гына оҥорор былаан баар. Бүлүү уонна Амма, ону тэҥэ, Дьокуускайдааҕы култуура уонна искусство кэллиэһэ, муусука кэллиэһэ курдук тиэхиньикэнэн хааччыллыбыт култуура тэрилтэлэрэ кэлэр сылга сүүмэрдиир куонкуруска кытталларыгар эрэллээҕин эттэ.
Санатан эттэххэ, Судаарыстыбаннай филармония бастакы виртуальнай кэнсиэрдиир саалата Саха сиригэр 2014 сылтан үлэлиир. 2020 сыллаахха Алдаҥҥа Саха сирин судаарыстыбаннай кэнсиэрдиир оркестр баазата эмиэ виртуальнай сааланан хааччыллыбыта. Онон кэнсиэрдэри быһа көрдөрөр уонна элбэх дьону хабар кыах бэриллэр.
2024 сыл бүтүөр диэри дойду үрдүнэн “Култуура” национальнай бырайыак иитинэн 500 виртуальнай кэнсиэрдиир сааланы аһар былааннаахтар.
Ил Дархан уонна Бырабыыталыстыба пресс-сулууспата.
Уһун кыһынтан, дьиэҕэ олорортон хал буолбут Саха сирин олохтоохторо ыам ыйыгар айылҕаҕа талаһабыт, аймахтар, доҕоттор…
Бүгүн, ыам ыйын 4 күнүгэр, Арассыыйатааҕы көҥүл тустууга чөмпүйэнээт түмүк күнүгэр, көбүөргэ саха спортсмена Уйгулаан…
Саха сиринээҕи силиэстийэлиир кэмитиэт управлениета бүгүн, ыам ыйын 4 күнүгэр, киин куорат Хабаров аатынан уулуссаҕа…
Бэҕэһээ, сарсыарда 11:38 чааска, күҥҥэ ордук күүстээх магнитнай эстии буолбута бэлиэтэннэ, ол эбэтэр X1.7 кылаастаах…
Сылы түөрт кэрчик кэмҥэ араарабыт. Ыам ыйа сааскы кэмҥэ киирсэр. Бүгүҥҥүттэн, ыам ыйын 4 күнүттэн…
Мэҥэ Хаҥаласка үс сыл устата Тыа хаһаайыстыбатын сылынан биллэриллибитэ. Бу чэрчитинэн ылыныллыбыт былаанынан, мэҥэ хаҥаластар…