Хаартыска "ВИС" бөлөхтөн
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ суудуна өрүс сүнньүгэр технологическай үлэлэри толорууну хааччыйда диэн «ВИС» бөлөх иһитиннэрэр.
Муостаны тутуу бырайыагар өрүс логистиката ураты суолталаах. Навигация кэмэ кылгаһа, сүүрүгэ күүстээҕэ уонна өрүс уустук гидрологическай усулуобуйалара үлэни чопчу былаанныыры, анал тиэхиньикэни тардыыны уонна тутааччылар, суудунаны бас билээччилэр уонна идэлээх тэрилтэлэр бииргэ үлэлээһиннэрин сүрүннүүрү ирдиир.
Саамай уустук соруктартан биирдэстэрэ – өрүс сүнньүгэр тирэхтэри түһэрэргэ анаан оҥоһуллубут коффердамнары туруоруу буолар. Арассыыйаҕа аан бастаан 2200 уонна 4000 тахса туонна ыйааһыннаах сүүнэ улахан конструкциялары ууга түһэрэн, киин уонна уҥа пилоннар турар сирдэригэр уһаардылар. Бу үлэҕэ хас да буксуур, Өлүөнэтээҕи холбоһуктаах өрүс пароходствотын ыарахан тягачтара, «Якутск» суудуна хампаанньатын «Нилов» тягаһа уонна «ВИС» бөлөх бэйэтин флота кытыннылар. Бу уустук эпэрээссийэни «Морбаза» хампаанньа сүрүннээтэ, кини улахан муора уонна өрүс гидротехническай тутууларыгар уопуттаах.
Маннык эпэрээссийэлэр флот бииргэ үлэлээһинин таһынан, акваторияны бэлэмнээһини эрэйэллэр. Өлүөнэ өрүс түгэҕин сканердааһын, ону тэҥэ икки пилон турар сиригэр 500 тыһыынчаттан тахса кубометр кумаҕы, буору хостоон дириҥэтии үлэтэ ыытылынна. Бу үлэлэри «Өлүөнэ тардыытынааҕы уу ис суолларын дьаһалтата» тэрилтэ толордо. Дириҥэтии атын учаастактарга, ол иһигэр хаҥас кытылга баар суудуна тиксэр уонна түһэр-тахсар сиригэр ыытылынна. Мантан кэлэр сылга үһүс коффердамы ууга түһэриэхтэрэ.
Өлүөнэ муостатын тутуу Арассыыйа муосталарын тутуу уонна инженернэй ускуустуба устуоруйатыгар киириэҕэ. Арктика килиимэтин усулуобуйатыгар элбэх технологиялар аан бастаан туттуллаллар. Бу киэҥ хабааннаах эбийиэк «ВИС» бөлөх уонна Саха Өрөспүүбүлүкэтин Бырабыыталыстыбатын концессионнай сөбүлэһиилэрин чэрчитинэн, бүддьүөккэ киирбэт үбү-харчыны тардан туран тутуллар. Бырайыак «Олох инфраструктурата» диэн национальнай бырайыак чэрчитинэн тутуллар. Бу холдинг бырайыакка инвестор, концессионер уонна генеральнай бэдэрээтчит быһыытынан кыттар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Иккис тииптээх саахар диабетыгар анаммыт, укуол ирдэммэт, капсула көрүҥнээх эми Волгоградтааҕы мэдиссиинэ судаарыстыбаннай университета оҥорбут.…