«Өлүөнэ очуостара» суолталаах тэрээһиҥҥэ бэлэм

Бу чааска «Өлүөнэ очуостара» айылҕа национальнай пааркатыгар «Азия оҕолоро»  VIII оонньууларын уотун уматыы сиэригэр-туомугар бэлэмнэнии үгэнэ буола турар.

Суолталаах тэрээһин ыытыллар сиригэр Лабыдьаҕа мэдиссиинэ постара, ыйынньыктар турдулар,  тэрээһин ыытыллар сирин хомуйаллар.

Сотору манна Ил Дархан Айсен Николаев, Арассыыйа Олимпийскай кэмитиэтин Бэрэсидьиэнэ  Станислав Поздняков, «Азия оҕолоро» Норуоттар икки ардыларынааҕы кэмитиэт Бэрэсидьиэнэ Владимир Максимов, хоккейга икки төгүллээх олимпийскай чөмпүйүөн, «Азия оҕолоро» оонньуу посола Вячеслав Фетисов уо.д.а.  күүтүүлээх сиэргэ-туомҥа кыттыахтара.