Өрөспүүбүлүкэ күнүн көрсө маастардар «Саха оһуора» үҥкүү толордулар

Киин куоракка А.Е. Кулаковскай аатынан Норуоттар доҕордоһууларын дьиэтин былаһааккатыгар  55 норуот маастардара  «Саха оһуора» үҥкүү толордулар. Тэрээһин Саха Өрөспүүбүлүкэтин күнүгэр ананна.

 «Симэх» норуот ускуустубатын уонна уус-уран оҥоһуктарын национальнай киинин дириэктэрэ Яна Игнатьева этэринэн, норуот ускуустубатын маастардара кэлэн иһэр бырааһынньыгынан —Өрөспүүбүлүкэ күнүнэн эҕэрдэлээтилэр.

Ону сэргэ «Лоскутная мозаика Якутии»  быыстапка түмүгүн таһаардылар. Тэрээһиҥҥэ  Саха сирин 20-тэн тахса улууһуттан 80-тан тахса  маастардар кыттыыны ыллылар. Манна араас оҥоһуктары, паннолары, сылгы киэргэллэрин, көстүүмнэри, о.д.а. көрүүгэ таһаардылар.

Тэрийээччилэр этэллэринэн, нэһилиэнньэҕэ быыстапка мэлдьи үрдүк интэриэһи үөскэтэр. Быйыл быыстапкаҕа тыһыынча кэриҥэ киһи сырытта.

Саха сиригэр «Лоскутная мозаика Якутии»  өрөспүүбүлүкэтээҕи быыстапка 12-с төгүлүн ыытылынна.

 СӨ Ил Дарханын уонна Бырабыыталыстыбатын пресс-сулууспата