Госдума саайта сонуннары арааб тылынан иһитиннэриэҕэ

Бу күннэртэн Госдума саайтыгар сонуннар арааб омук тылынан эмиэ тахсар буоллулар. Арааб тылынан Госдума саайтыгар тахсар сонуннар төрдүс омук тылынан суруллаллар.

Бу туһунан Госдума спикерэ Вячеслав Володин парламент саайтыгар олунньу 22 күнүттэн duma.gov.ru/ar. сигэнэн тахсарын иһитиннэрдэ.

«Госдума саайтын атын омук тылларын кытта, арааб омук тылынан таһаарарга быһаарыы ылылынна. Дьокутааттар доҕордуу дойдулары кытта сыһыаны күүскэ бөҕөргөтөллөр, Уһук Илин уонна Хотугу Африка судаарыстыбаларыгар ураты болҕомтолорун уураллар. Ол курдук, Госдума үлэтин туһунан информация кинилэргэ төрөөбүт тылларынан тиэрдэрбит көдьүүстээх буолуоҕа», — диэн  бэлиэтээтэ Вячеслав Володин.

Санаттахха, Арааб омук тыла Госдума саайтыгар төрдүс омук тылынан буолла: 2018 сыл балаҕан ыйыттан аангылыйа омук тылын көрүҥүнэн  үлэлээбитэ, оттон 2023 сыл балаҕан ыйыттан Испания, кэлин ахсынньыттан Кытай омук тылларынан.