Хабаровскайга интэриэһинэй сэминээр буола турар
21.09.2023, 14:15
Хаартыска: https://www.sakha.gov.ru/-тан
Бөлөххө киир:
Хабаровскайга «Разговоры о важном для взрослых» диэн интэриэһинэй үөрэтэр аналлаах уокуруктааҕы сэминээр саҕаланна.
Тэрээһин былаас уорганнарыгар уонна судаарыстыбаннай хампаанньаларга патриотическай үлэни тэрийиигэ ананар уонна балаҕан ыйын 22 күнүгэр диэри ыытыллар. Уһук Илиҥҥи уокурук 11 эрэгийиэниттэн 450-тан тахса киһи уонна онно эбии 800-тэн тахса исписэлиис онлайн-эрэсиим көмөтүнэн кытта сылдьар. Тэрээһини аһыыга РФ Бэрэсидьиэнин Дьаһалтатын салайааччытын бастакы солбуйааччы С.В.Кириенко эҕэрдэ суругун Уһук Илиҥҥи уокурукка РФ Бэрэсидьиэнин боломуочуйалаах бэрэстэбиитэлин солбуйааччы Григорий Куранов ааҕан иһитиннэрдэ. Сергей Кириенко эҕэрдэтигэр, Арҕаа Арассыыйаны утары, чуолаан духуобунай, сиэр-майгы сыаннастарын урусхаллыыр сыаллаах-соруктаах тотальнай дэниллэр информационнай сэриини биллэрбитин туһунан этиллэр.
Уһук Илин Федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев онлайн-видео көмөтүнэн эҕэрдэлээтэ.
«Аан дойдуну бүтүннүү баһылыан баҕалаах Эмиэрикэ биһиги дойдубутун араас хабааннаах сааҥсыйаларынан ытарчалаан, экэнэмиичэскэй өттүнэн үрдүүрбүтүн, сайдарбытын харгыстыы сатыыр. Маны утары турарга биһиги бары түмсүөхпүтүн наада. Арассыыйа хас биирдии олохтооҕо дойдута сайдыылаах буоларыгар эрэниэхтээх», – диэн кини санаатын эттэ.
+1
1
+1
1
+1
+1
+1
+1
+1
Сообщить об опечатке
Текст, который будет отправлен нашим редакторам: