Хамаҕаттаҕа собону элбэтэллэр

Намҥа Хамаҕатта нэһилиэгэр дьоҥҥо-сэргэҕэ үтүө холобур буолар үлэ ыытыллар. Ол курдук, сайдам ыал Прокопий Николаевич Сивцев уонна Мария Николаевна Аманатова нэһилиэктэрин күөллэригэр собону элбэтиигэ ылсан саҕалаатылар.

Икки күөлгэ, Арыы уонна Мелиорация  күөллэригэр, уопсайа 150  собо оҕотун ыыттылар. Маны олохтоохтор олус биһирээтилэр. Мария Николаевна: «Күһүн өрүс уута түһэн, арыыларга туран хаалбыт кыра ууларга собо оҕолоро тоҥон хаалаллар. Биһиги көмүс хатырыктаахпытын элбэтэр баҕаттан, кинилэри быыһаан, быйыл дириҥ күөллэргэ ыыттыбыт», — диэн үөрүүтүн  сэмэйдик үллэстэр.

«Нам улууһа» МТ пресс-сулууспата