Хаҥаласка кыбартыыра иһиттэн тэлэбииһэр уорбуттар

ИДьМ дьуһуурунай чааһыгар Покровскай куорат олохтооҕо дьиэтигэр суоҕуна биллибэт киһи кыбартыыратын иһиттэн «LG» тэлэбииһэри уорбутун туһунан биллэрдэ. Хоромньу  суумата 35 000 солк. тэҥнэстэ.

Суһал-көрдүүр дьаһалларынан холуобунай ирдэбил үлэһиттэрэ уорбаланааччыны туттулар. 38 саастаах буруйданааччы эмсэҕэлээччи билэр киһитэ буолара быһаарылынна.

Итирик туруктаах сылдьан уорбаланааччы суоҕуна эмсэҕэлээччи дьиэтигэр тиийбит. Кыбартыыра аана хатаммакка турарын бэлиэтии көрөн, уорбаланааччы дьиэҕэ киирбит уонна сыаналаах тэлэбииһэри кыбынан тахсыбыт. Ол кэннэ уорбут тэлэбииһэрин атыылабыт, харчыны тус наадатыгар туһаммыт. Холуобунай дьыала тэрилиннэ. Буруйданааччы биэс сылга диэри көҥүлэ быһыллыан сөп, диэн ИДьМ пресс-сулууспата суруйар.