Хаттаан итирик туруктаах массыына ыытан тимир көлөтүттэн маппыт

Сунтаар улууһун 25 саастаах олохтооҕо эрдэ итирик туруктаах массыынанан айаннаан административнай эппиэтинэскэ тардыллыбыт, быйыл сайын хаттаан итирик туруктаах массыынаны ыытан, Холуобунай кодекс 264.1 ыст. 1 ч. сууттаммыт.

Судаарыстыбаннай буруйдааччы көрүүтүн учуоттаан, суут эр киһини икки сыл устата тырааныспары кытта сибээстээх үлэнэн дьарыктанар быраабын быһан туран, 360 чаас булгуччулаах үлэни толороругар быһаарбыт.

Ону тэҥэ, сууттанааччыттан судаарыстыба дохуотугар анаан «Toyota Succeed» мааркалаах массыынатын былдьаабыт. Бириигэбэр сокуоннай күүһүгэр киирэ илик. Бу туһунан СӨ Борокуратууратын пресс-сулууспата суруйар.