Хочолор куйуурдууллар

Сандал сааспыт тиийэн кэлэн, сааскы куйуур саҕаланна. Онон тыа сиригэр эр дьон күөлтэн тахсыбат буоллулар.

Мэҥэ Хаҥалас улууһун II Наахара нэһилиэгин Хочо олохтоохторо чугастааҕы эбэлэригэр киирэн мэлдьи куйуурдууллар.

Любитель-фотограф Аксиния Шестакова түһэрбит  айылҕа кэрэ көстүүлэрин, Хочо кырдалыгар сынньана түспүт кыталыктары сарсыарда эрдэ устубут хаартыскаларын Саха сирин олохтоохторо олус сэҥээрбиттэрэ. Онон аны куйуур түгэнин хаартысканан үйэтиппитин көрүҥ.

“Билигин  Орто Күөлгэ киирэн эмиэ куйуурдуу аҕай сылдьаллар. Хочо олус минньигэс балыктаах”, — диэн санаатын үллэстэр Аксиния Шестакова.