Хочолор маастар-кылаас туһатын бэлиэтээтилэр (видео)

Мэҥэ Хаҥалас улууһугар Хочоҕо култуура киинин көҕүлээһининэн араас интэриэһинэй бырайыактар үлэлииллэр, аахсыйалар, маастар-кылаастар, биэчэрдэр ыытыллаллар.

Киин дириэктэринэн эрчимнээх, төгүрүччү талааннаах Николай Васильевич Куприянов, уус-уран салайааччынан өр сылларга үлэлээбит уопуттаах, СӨ култуураҕа туйгуна Наталья Дмитриевна Никанороваайымньылаахтык үлэлииллэр. Бу күннэргэ биир дойдулаахпыт, бэйэбит кыыспыт, модельер-конструктор Мария Васильевна Винокурова төрөөбүт Хочотугар ийэлэргэ, эбэлэргэ «Эргэ таҥаһы туһаҕа таһаарыы » диэн тиэмэҕэ маастар-кылаас биэрдэ. Кини бэрт сатабыллаахтык кыччаабыт, эргэрбит таҥастары хайдах гынан туһаҕа таһаарар араас албастарга үөрэттэ, иис кистэлэҥнэрин арыйда.

Маастар-кылааска кэлбит кэрэ аҥардар эргэ таҥаһы ханнык ньымаларынан иккис тыынныахха сөбүн биллилэр, Мария Васильевнаҕа махталларын биллэрдилэр, өссө да кэлэн үөрэтэригэр көрдөстүлэр, инники өттүгэр айар үлэтигэр ситиһиини баҕардылар.

Елена Прокопьева, уопсастыбаннай кэрэспэдьиэн.

Наахара, Мэҥэ Хаҥалас.

Хаартыскалар уонна видео Елена Прокопьева тиксэриилэрэ.