«Хотугу сулус» («Полярная звезда») Оҕо киинигэр үлэ күөстүү оргуйар

Өрөспүүбүлүкэ биир баараҕай тутуутунан быйылгы сыл бүтүүтэ үлэҕэ киириэхтээх “Хотугу сулус” («Полярная звезда») сылы эргиччи үлэлиир оҕо сынньалаҥын киинэ буолар.

Бүгүн эбийиэги тута сылдьар тэрилтэ, үөрэх уонна билим миниистиэристибэтин салалталара суруналыыстарга үлэ хаамыытын билиһиннэрдилэр.

Сылга 5 тыһыынчаттан тахса оҕо сылдьыахтаах киин туһунан үөрэх уонна билим миниистирин бастакы солбуйааччы Алевтина Аргунова сиһилии маннык билиһиннэрдэ:

Сүүнэ улахан оҕо доруобуйатын бөҕөргөтөр уонна сынньанар киинэ Табаҕа сиригэр- уотугар “Якутия” урутаан сайдар территориятыгар тутулла турар.

Манна өрөспүүбүлүкэ араас улуустарыттан оҕолор кэлэн үөрэхтээһин саҥа технологиятынан анал ирдэбилгэ эппиэттиир, оҕо өйүн-санаатын, толкуйун сайыннарар, айар кыаҕы, дьоҕурун арыйар оборудованиеларынан чинчийэр үлэлэри ыытыахтара, уопсастыбаннай олоххо көхтөөх оҕолор сайдыы саҥа саҕахтарыгар уһуйуллуохтара.

Бырайыакка туох федеральнай көмө оҥоһулларын туһунан экэниэмикэ миниистирэ Петр Попов санаатын бу курдук үллэһиннэ:

генеральнай дириэктэри тутууга солбуйааччы Алексей Китаев суруналыыстарга тутуу хаамыытын анаан кэритэ сылдьан көрдөрдө.

Биһиги сылдьар кэммитигэр бары этээскэ үлэ күөстүү оргуйа турара.

Ити курдук, салгыы оҕолор сынньанар, утуйар хосторун, эбийиэк хорук тымырын — аныгы технологиянан тутуллубут хочулуонуйаны көрдүбүт. Ону сиһилии билиһиннэриэхпит.