Ил Дархан быһа эпииригэр алта сүүстэн тахса ыйытыы киирдэ

Бүгүн, муус устар 25 күнүгэр,  Ил Дархан Айсен Николаев  быһа эпииргэ тахсан, ыйытыыларга хоруйдуоҕа. Быһа эпииргэ боппуруостары ылыы салҕанар. ЦУР иһитинэрбитинэн, 600-тэн тахса ыйытыы киирбит.

«Ордук элбэх ыйытыы суол-иис уонна тырааныспар, дьиэ-уот, хаарбах дьиэттэн көһөрүү, социальнай көмөнү оҥоруу, тутуу уонна тупсаран оҥоруу, ОДьКХ уонна энэргиэтикэ, доруобуйа харыстабылын, үөрэх, тыа хаһаайыстыбатын тиэмэтигэр киирдэ. Ыйытыылары Дьокуускай уонна улуустар олохтоохторо биэрдилэр. Ордук Дьокуускай, Ленскэй, Алдан, Мэҥэ Хаҥалас, Мииринэй, Сунтаар, Ньурба, Нерюнгри, Томпо, Уус Алдан олохтоохторо көхтөөхтүк кытыннылар. Арктика улуустарыттан ордук элбэх ыйытыыны Муома, Үөһээ Халыма, Дьааҥы уонна Орто Халыма улуустарын олохтоохторо биэрдилэр«, — диэн иһитиннэрэр ЦУР салайааччыта Василий Десяткин.

Бүгүн колл-киин үлэтэ салҕанар, 8-800-707-43-33 нүөмэринэн ыйытыыларгытын биэриэххитин сөп. Маны сэргэ, Telegram ханаал  http://@voprosGlaveYakutii_bot.    биэриэххэ сөп.

Ил Дархан быһа эпиирин бүгүн, муус устар 25 күнүгэр 19:00 чаастан «Саха» НКИХ, Якутия 24, «Россия 24» телеханаалларга, «Тэтим», «Радио России», «Виктория Саха», «СТВ-радио» биэриилэригэр уонна Айсен Николаев  социальнай ситимнэригэр көрүөххэ, истиэххэ сөп.

СӨ Ил Дарханын уонна Бырабыыталыстыбатын пресс-сулууспата