Ил Дархан сарсыҥҥы быһа эпииригэр номнуо 400 ыйытыы киирдэ
24.04.2024, 12:20
Бөлөххө киир:
Муус устар 25 күнүгэр Ил Дархан Айсен Николаев быһа эпииргэ тахсан, олохтоохтор ыйытыыларыгар хоруйдуоҕа. ЦУР чахчыларынан, бүгүҥҥү туругунан Ил Дархаҥҥа номнуо 400 ыйытыы киирбит.
«Колл-киин өрөспүүбүлүкэ бары улуустарыттан уонна Дьокуускай куораттан ыйытыылары хомуйда. Ордук элбэх ыйытыы киин куорат, Ленскэй, Алдан, Ньурба, Нерюнгри, Өлүөхүмэ, Уус Алдан олохтоохторуттан киирдэ. Арктическай улуустартан элбэх ыйытыыны Үөһээ Халыма, Анаабыр, Дьааҥы, Аллараа Халыма улуустар олохтоохторо биэрдилэр. Дьон ордук суол-иис, тырааныспар, олорор дьиэни тутуу, социальнай көмө, доруобуйа харыстабылын боппуруостарын ыйытар», – диэн иһитиннэрдэ ЦУР дириэктэрэ Василий Десяткин.
Колл-киин үлэтин салгыыр. Ил Дархаҥҥа ыйытыыларгытын сарсыарда 09:00 чаастан 18:00 чааска диэри 8-800-707-43-33 нүөмэргэ эрийэн биэриэххитин сөп.
Telegram ханаалга бот эмиэ үлэлиир: @voprosGlaveYakutii_bot.
Санатан эттэххэ, Ил Дархан быһа эпиирин муус устар 25 күнүгэр 19:00 чаастан «Саха» НКИХ, «Якутия 24», «Россия 24» телеханаалларга, «Тэтим», «Радио России», «Виктория Саха», «СТВ-радио» араадьыйаларга уонна Айсен Николаев социальнай ситимнэригэр көрүөххэ, истиэххэ сөп.
+1
2
+1
1
+1
+1
+1
+1
+1
Сообщить об опечатке
Текст, который будет отправлен нашим редакторам: