Ил Дархан уонна бырабыыталыстыба дьаһалтатыгар бэтэрээннэри эҕэрдэлээтилэр
Аҕа дойду Улуу сэриитигэр Кыайыы 79 сылын көрсө, ыам ыйын 8 күнүгэр, Ил Дархан уонна Бырабыыталыстыба дьаһалтатыгар сэрии уонна тыыл бэтэрээннэрин чиэстээтилэр.
Ил Дархан Айсен Николаев аатыттан СӨ Бырабыыталыстыбатын уонна дьаһалтатын салайааччытта Георгий Михайлов эҕэрдэлээтэ.
«Биһиги сүрэхпитигэр Аҕа дойду Улуу сэриитэ оспот бааһы хаалларбытын, хотугу дойду уолаттара хорсуннук сэриилэспиттэрин, хайдах курдук саха омуга биир дойдулаахтарын сүтэрбитин бары өйдүүбүт. Ийэ дойду туһугар эһиги килбиэннээх хорсун быһыыгытын биһиги ытыктыыбыт. Биһиги эһигини кытта биир кэмҥэ үлэлиир кыахпытынан киэн туттабыт», – диэтэ Георгий Михайлов.
Кини бэтэрээннэргэ Улуу Кыайыы 80 сыллаах үбүлүөйүн көрсө кытаанах доруобуйаны баҕарда. Маны таһынан бэтэрээннэри СӨ Үлэҕэ уонна социальнай сайдыыга мииниистирэ Елена Волкова уонна Арассыыйа Дьоруойа Николай Соболев эҕэрдэлээтилэр.
Сообщить об опечатке
Текст, который будет отправлен нашим редакторам: