Ини-бии устудьуоннар бэйэлэрин куоластарын биэрдилэр

Хотугуу-Илиҥҥи федеральнай университет устудьуоннара, ини-бии Эльдар, Семен Поповтар быыбарга кыттан, бэйэлэрин куоластарын биэрдилэр.

Дьокуускай куорат 779-с быыбардыыр учаастагар сарсыардаттан куоластааччы элбэх. Эдэр дьон сылдьарын көрөн кэпсэтэн ааһабын. «Бастакы күн үөрэнэн уонна быыс-арыт булбакка куоластаабакка хаалбыппыт. Үксүгэр дьиэ кэргэнинэн кыттар, хаартыскаҕа түһэр үгэстээхпит да, бу сырыыга табыллыбата. Бүгүн паарабыт иннинэ кэлэн куоластаан, бэйэбит Арассыыйа олохтооҕун быһыытынан ытык иэспитин толордубут. Билиҥҥитэ биир да быыбары көтүтэ иликпит», — диэн санааларын үллэстэллэр, эдэр дьон быыбарга көхтөөхтүк кытталларыгар ыҥыраллар.