Ирина Бурцева: «Биһиги Бэрэсидьиэммит дойдубут сириэдийэ сайдарын туһугар элбэҕи оҥоруо диэн эрэнэбин»

Бүгүн Владимир Путин Арассыыйа Бэрэсидьиэнин солотугар киирдэ. Бу бэлиэ түгэн туһунан Дьокуускай куорат 30 №-дээх оскуолатын дириэктэрэ Ирина Бурцева бэйэтин санаатын үллэһиннэ:

— Бүгүн биһиги Кириэмилгэ Бэрэсидьиэн Владимир Путин солотугар киирэр сиэрэ-туома буоларын көрө «Биир ньыгыл Арассыыйа» уопсастыбаннай өйөбүлүн ыстаабыгар кэлэн турабыт. Уопсайынан биһиги дойдубутугар, Cахабыт сиригэр суолталаах бэлиэ тэрээһин буолар. Дойдбут Бэрэсидьиэнигэр чэгиэн туругу баҕарабын, биһиги Сахабыт сирэ, Дьокуускай куораппыт сайдарын туһугар элбэх үлэ бара турар.

Учуутал идэлээх киһи быһыытынан, «Үөрэхтээһин» национальнай бырайыак олоххо тэтимнээхтик киирэрин бэлиэтиэм этэ. Элбэх оскуола тутулунна, үөрэх тэрилтэлэригэр хапытаалынай өрөмүөн оҥоһулунна. Саҥа үөрэх кинигэлэрэ тахсаллар, «Бастакылар хамсааһыннара» күүскэ үлэлиир, сайдыы баран, оҕолор көхтөрө улаатта. Дойдубут култууратын, бэйэтин үгэстэрин оҕолор билэ улааталларыгар кыах баар.

Саха сирин олохтоохторо Владимир Путини итэҕэйэн талбыттара, биһиги Бэрэсидьиэммит кэлэр алта сыл устата дойдубут сириэдийэ сайдарын туһугар өссө элбэҕи оҥоруо диэн эрэллээхпин.