Исидор Барахов пааматынньыгар сибэкки дьөрбөтүн уурдулар
12.02.2023, 17:04
Хаартыскалар СӨ Ил Дархан уонна Бырабыыталыстыба саайтыттан ылылынныларылылынна
Бөлөххө киир:
Бүгүн уһулуччулаах судаарыстыбаннай уонна бэлитиичэскэй диэйэтэл Исидор Барахов төрөөбүтэ 125 сылынан, үөрүүлээх, долгутуулаах бэлиэ күн буолла.
Бүгүн, олунньу 12 күнүгэр, Дьокуускайга Саха Өрөспүүбүлүкэтин судаарыстыбаннаһын төрүттэспит, уһулуччулаах бэлитиичэскэй уонна судаарыстыбаннай диэйэтэл, Саха сирэ социальнай-экэнэмиичэскэй сайдыытыгар кылаатын киллэрсибит Исидор Никифорович Барахов төрөөбүтэ 125 сылынан, ытык киһи аатыгар сүгүрүйдүлэр, пааматынньыкка сибэкки уурдулар. Исидор Барахов Максим Аммосовтыын, Платон Ойуунускайдыын өрөспүүбүлүкэ төрүттэниитигэр сүҥкэн кылаатын киллэрсибитэ.
«Исидор Никифорович олоҕун төрөөбүт өрөспүүбүлүкэтин, Саха сирин дьонун интэриэстэрин көмүскээһиҥҥэ анаабыта. Өрөспүүбүлүкэни төрүттээччилэр эр санааларынан, дьулуурдарынан, норуоттарын туһугар үрдүк эппиэтинэстээхтэринэн биллэллэрэ», — диэн бэлиэтиир Ил Дархан Айсен Николаев. Уустук дьүүллэһиигэ, мөккүөргэ, бэл, кытаанах утарылаһыыга, харгыстаһыыга кинилэр туруулаһан, автономнай өрөспүүбүлүкэ статуһун ылары ситиспиттэрэ.
Исидор Барахов үрдүкү салалтаҕа эппиэтинэстээх дуоһунастарга үлэлээбитэ: САССР Совнаркомун бэрэссэдээтэлэ (1922—1924), ВКП(б) Саха сиринээҕи обкомун бастакы сэкирэтээрэ (1926—1928), КК ВКП(б) тыа хаһаайыстыбатыгар Илин Сибиир уонна Уһук Илин салаатын сэбиэдиссэйэ (1933—1938).
И.Н.Барахов төрөөбүтэ 125 сылын иитинэн тэрээһиннэр ыытыллаллара былааннанар. Үөһээ Бүлүү улууһугар Харбалаахха култуура киинэ аһыллыа. Манна И.Барахов аатынан судаарыстыбаннас түмэлэ киириэҕэ.
Үбүлүөйдээх сылынан Москваҕа «Молодая гвардия» издательствоҕа «Жизнь замечательных людей» сиэрийэнэн Алексей Амбросьев – Сиэн Мунду үс сүүстэн тахса сирэйдээх «Исидор Барахов» диэн документальнай кинигэтэ тахсыбыта. Уопсастыбаннас үөрүүлээх мунньахтара Дьокуускайга, Москваҕа ыытыллаллар.
СӨ Ил Дархан уонна Бырабыыталыстыба пресс-сулууспата
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: