Итирик туруктаах бэлисэпэдиис массыынаҕа кэтиллиннэ

От ыйын 31 күнүгэр итирик туруктаах киһи бэлисипиэт тэбэн иһэн массыынаҕа киирэн биэрбит.

Ол курдук, бэлисипиэт тэбээччи Киров уулуссатын уонна Ленин проспегын быһа охсуһуутугар «Киа Форте» массыынаны кытта харсыспыт. Саахал түмүгүнэн кини балыыһаҕа нейрохирургия салаатыгар улаханнык эчэйэн киирбит. Бэлисэпэдиис төбөтүн харыстыыр шлема суох, итирик туруктаах сылдьар эбит.

Бэрэбиэркэ кэмигэр биллибитинэн, бэлисипиэт тэбээччи урукку өттүгэр арыгы иһэн баран массыына ыыта сылдьан биэстэ тутулла сылдьыбыт.

Оттон «Киа Форте» суоппара саахал кэмигэр өйдөөх эбит, кини массыына ыыппыт ыстааһа 11 сылга тэҥнэһэр. Суол быраабылатын кэһиигэ хаһан даҕаны түбэспэтэх.