Кэбээйи ийэлэрэ чүмэчи оҥордулар

Саха сирин олохтоохторо байыаннай дьайыыга кытта сылдьар уолаттарбытыгар ким туох кыахтааҕынан көмөлөһөр.

Бу күннэргэ Кэбээйи улууһун Кэбээйи нэһилиэгин «Дууһабытынан эдэрбит» киин «Үтүө түгэн» түмсүү салайааччыта Татьяна Максимова көҕүлээһининэн, блиндажнай чүмэчи оҥордулар.

Бу туһунан «Саха волонтердара» хамсааһын иһитиннэрэр.

«Хас да күннээх үлэбит бүгүн түмүктэннэ. 80-ча баанкаҕа парафин кутаммыт блиндажнай чүмэчи оҥорон бэлэмнээтибит. Байыаннай дьайыыга кытта сылдьар уолаттар уоппускаҕа кэлэ сылдьаннар илиибитин ититэрбитигэр, аспытын, чэйбитин сылытарбытыгар олус туһалаах диэбиттэрэ. Ол иһин оҕолорбутугар көмө буолаарай диэммит оҥордубут. Бу күннэргэ чүмэчилэрбитин куоракка көмөнү түмэр сиргэ тиксэриэхпит», – диэн түмсүү салайааччыта Татьяна Максимова кэпсиир.