Кэмпэндээйигэ саҥа Култуура дьиэтэ үлэҕэ киирдэ

Бэҕэһээ Сунтаар улууһун Кэмпэндээйитигэр үөрүүлээх күн тосхойдо. Ол курдук  Култуура киинин саҥа дьиэтэ  аһылынна.

Дойду Аҕа баһылыга  Владимир Путин көҕүлээбит «Култуура» национальнай бырайыагын чэрчитинэн Кэмпэндээйигэ культура дьиэтэ тутуллан үлэҕэ киирдэ. Эбийиэк тутуута 2022 сыл ыам ыйыгар саҕаламмыта уонна былаан быһыытынан силигэ ситтэ.

Аалай лиэнтэни быһыыга Ил Дархан Айсен Николаев кыттыыны ылла.

Култуура дьиэтин дириэктэрэ Анна Тотонова сырдык, тупсаҕай дьиэ аныгы технологияларынан, уотунан-күөһүнэн, LED экранынан толору хааччыллыылаах, онон үгүс тэрээһиннэри ыытар кыахтанныбыт диэн үөрүүтүн үллэһиннэ.

Тутуу үбүлээһинэ  153,4 мөл. солк. ааҕыллар. Биир мэндиэмэннээх, 150 миэстэлээх кулуупка үҥкүүлүүр саала,  гримернай, куруһуоктарга аналлаах хостор бааллар