Көтөргө күһүҥҥү булт болдьоҕо хаһан саҕаланар?

Атырдьах ыйын 21 күнүттэн уу уонна ойуур көтөрүгэр бултааһын кэмэ саҕаланар.

Саха сиригэр уу уонна ойуур көтөрүгэр бултааһын кэмэ атырдьах ыйын 21 күнүгэр саҕаланар. Бу туһунан Айылҕа харыстабылын министиэристибэтэ иһитиннэрэр.

От ыйыгар маассабай көрүҥнээх булааһыҥҥа, ол иһигэр көтөргө, көҥүллэри биэрии саҕаланна. Көҥүлү икки ньыманан ылыахха сөп:

• «Госуслуги» портаал нөҥүө;
• «Мин докумуоннарым» офистарыгар эбэтэр  Айылҕа харыстабылын министиэристибэтин олохтоох салааларыгар.

Көҥүлү ыларга ирдэнэр докумуоннар:

• Болдьоҕо бүтэ илик илик булчут билиэтэ;
• Судаарыстыбаннай пошлина төлөммүтүн туоһулуур кибитээнсийэ.

Булт болдьоҕо:

• Кута-хонуу уонна уу көтөрө — атырдьах ыйын 21 күнүттэн сэтинньи 20 күнүгэр диэри;
• Истиэп уонна хонуу көтөрө — атырдьах ыйын 21 күнүттэн сэтинньи 20 күнүгэр диэри;
• Ойуур көтөрө — атырдьах ыйын 21 күнүттэн ахсынньы 31 күнүгэр диэри;
• Үрүҥ уонна туундара хабдьыта — атырдьах ыйын 21 күнүттэн тохсунньу 31 күнүгэр диэри.