Киһини саанан ытан өлөрбүт 51 саастаах уорбаланааччыны тутулунна
Силиэстийэ чахчыларынан, ыам ыйын 5 күнүгэр Мэҥэ Хаҥалас улууһун Томтор нэһилиэгиттэн 20 км ыраах сытар сылгы баазатын территориятыгар 51 саастаах эр киһи икки эр дьону саанан ытыалаабыт. 47 саастаах киһи миэстэтигэр өлбүт, оттон 42 саастаах эр киһи илиитигэр уонна атаҕар улахан бааһырыыны ылбыт. Эмсэҕэлээччигэ сөптөөх мэдиссиинэ көмөтө оҥоһуллар.
Быһылаан буолбутун туһунан 1972 с.т. буруйданааччы эр киһи тыллаабыт уонна бааза территориятыттан куоппут. Суһал-көрдүүр дьаһалларынан бэҕэһээ, муус устар 7 күнүгэр, ИДьМ Саха сиринээҕи силиэстийэлиир уорганнарын суһал подразделениетын үлэһиттэринэн киһини өлөрүүгэ уонна эчэтиигэ 51 саастаах уорбаланааччы хаайылынна. Кинини кытта силиэстийэлиир үлэлэр ыытыллаллар диэн ИДьМ Саха сиринээҕи силиэстийэлиир кэмитиэтин пресс-сулууспата суруйар.
Сообщить об опечатке
Текст, который будет отправлен нашим редакторам: