Кириэстээххэ тутуллар култуура киинин тас көстүүтэ кэрэхсэтэр

РФ бэрэсидьиэнэ Владимир Путин көҕүлээбит “Култуура” национальнай бырайыагынан өрөспүүбүлүкэҕэ култуура тэрилтэлрин  сайыннарыыга үлэ көхтөөхтүк салҕанар.

“Култуура” национальнай бырайыак  2019 сылтан олоххо киириэҕиттэн ыла, өрөспүүбүлүкэҕэ култуура 6 дьиэтэ тутулунна.

Онтон билигин Сунтаар улууһун Кириэстээх сэлиэнньэтигэр социальнай-култуурунай киин тутулла турар. “Саргы түһүлгэтэ” култуура киинэ  оһуокайдыыр  улахан саалалаах, 150 көрөөччүгэ аналлаах киинэ саалалаах, куруһуоктарга, быыстапкаҕа анаммыт киэҥ хостордоох, бибилэтиэкэлээх уонна кинигэни харайар анал сирдээх буолуоҕа.

Эбийиэк тас көстүүтэ хайыы үйэ олохтоохтору кэрэхсэтэр. Билиҥҥитэ эбийиэк 40 бырыһыана бэлэм, наадалаах матырыйааллар тиэрдилиннилэр, үлэ хаамыыта  болдьоммут кэминэн баран иһэр.