Куоластааһын иккис күнэ саҕаланна

Бүгүн быыбар иккис күнэ. Онон сарсыарда аҕыс чаастан  Саха сиригэр 805 учаастактааҕы быыбардыыр хамыыһыйа үлэтин саҕалаата.

Санатан эттэххэ, быйыл өрөспүүбүлүкэ олохтоохторо үс күн устата быыбардыыллар. СӨ баһылыгын, Ил Түмэн  дьокутааттарын талалларын таһынан  муниципальнай таһымнаах 85 быыбардыыр хампаанньа үлэлиир.

Балаҕан ыйын 8 күнүн киэһээ 20 чаастааҕы чахчыларынан, быыбардааччылар 20,39 %, ол эбэтэр  131756  киһи куоластааһыҥҥа кыттыбыт.