2022 сыл Саха сирэ быһаччы кыттыылаах улахан таһымнаах спортивнай тэрээһиннэринэн баай буолла. Ол курдук, мас-рестлиҥҥэ аан дойду чөмпүйэнээтэ, Владивостокка “Азия оҕолоро” норуоттар икки ардыларынааҕы спортивнай оонньуулар, Уус Алдаҥҥа Саха сирин норуоттарын VIII спортивнай оонньуулара, Дьокуускайга Саха сирин баһылыгын куубагар Го оонньуу, Дмитрий Коркин уонна Роман Дмитриев кэриэстэригэр көҥүл тустууга турнирдар ыытылыннылар.
Саха сиригэр ыытыллыбыт биир саамай улахан спортивнай тэрээһининэн Саха сирин норуоттарын VIII спортивнай оонньуулара буолла. Оонньуулар Уус Алдан улууһун киинигэр Бороҕоҥҥо от ыйын 4-9 күннэригэр ыытыллыбыттара. Манна өрөспүүбүлүкэбит оройуоннарыттан уонна тэриллиилэриттэн 37 хамаанда туран, 836 спортсмен 16 успуорт көрүҥэр илин-кэлин түһүстүлэр. Спартакиадаҕа анаан Мындаабаҕа единоборства киинэ уонна Мүрүгэ “Бэрт Хара” стадион үлэҕэ киирбитэ.
От ыйын 28 күнүттэн атырдьах ыйын 8 күнүгэр диэри Владивосток куоракка ыытыллыбыт “Азия оҕолоро” норуоттар икки ардыларынааҕы оонньуу буолар. Манна 12 дойдуттан уонна Арассыыйа аҕыс хамаандатыттан оҕолор күрэхтэспиттэрэ. Саха сирин сүүмэрдэммит хамаандата 12 кыһыл көмүс, 10 үрүҥ көмүс, 15 боруонса мэтээллэнэри ситиспитэ.
Саха сирин биллэр-көстөр спортсменнара – тустуук Владимир Егоров, дзюдоистка Карина Ефимова, мадьыны Семен Ануфриев, боксер Василий Егоров, самбист Валерий Ергалов, сүүрүүк Наталья Леонтьева, оҕунан ытааччы Рената Гаврильева, дуобатчыт Николай Стручков, кикбоксер Михаил Иванов, спортингист Айаал Макаров уо.д.а. араас таһымнаах күрэхтэһиилэргэ ситиһиилээхтик кыттан биир дойдулаахтарын үөртүлэр диэн бэлиэтээн суруйабыт.
Аммалар Өрөспүүбүлүкэ күнүгэр анаан субуотунньук тэрийбиттэр. Уһун күөл тулатын ыраастаабыттар. Субуотунньукка сүүсчэкэ үөрэнээччи кыттыыны ылбыт. Бүтүн…
Суоттуга сэргэх тэрээһин буолла. Өрөгөй ырыатын биһирэмигэр нэһилиэк олохтоохторо муһуннулар. Бу күн «Мичээр» сынньалаҥ киинигэр…
Дьокуускайга уһуйаан үлэһиттэригэр аналлаах "Моделирование образовательного процесса по патриотическому воспитанию в ДОО" диэн куурус ыытылынна.…
Арассыыйа бэрэсидьиэнэ Владимир Путин муус устар 28 күнүгэр бырабыыталыстыбаны кытары экэниэмикэ боппуруостарыгар мунньах ыытта. Владимир…
Муус устар бүтүүтэ күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрэрий? Дьокуускайга уларыйа сылдьар былыттаах,…
Бу сылга бастакы электроннай бэбиэскэлэри аны күһүн ыҥырыллар гражданнарга туттараллара күүтүллэр. Муус устар 28 күнүттэн…