Маҕан пуордуттан такси сыаната ыараабыт

Саха сиригэр тымныы күннэр сатыылааннар, араас кыһалҕа элбээтэ. Айанньыттарга кутталлаах, сэрэхтээх даҕаны буолла, айан-сырыы да тардыллар.

Ол курдук, Дьокуускай аэропуордугар күн-дьыл туругуттан сылтаан сөмөлүөттэр хоту көтүүлэрэ тардыллаллар, хойутаан эбэтэр нөҥүө күнүгэр да көтөллөр. Хас да күн хаайтарыахтарын эмиэ сөп.

Хойуу тумантан иҥнибэккэ көтөргө Маҕан пуорда абырыыр. Ол эрээри хотуттан түүн көтөн кэлээччилэр, биллэн турар, бары дьиэлэригэр тахсаары ыксыыллар. Хата, Дьокуускай аэропуордугар диэри оптуобус таһааран биэрэр эбит.

Тымныыны, туманы таксистар эмиэ мүччү туппаттар. Маҕан пуордуттан ыксаабыт айанньыты 1 тыһыынча солкуобайга таһаарабыт дэһэллэр.