«Манчаары оонньуулара» саҕаланыар диэри 50 күн хаалла

«Манчаары оонньуулара» ХХІ спартакиада саҕаланыар диэри 50 күн хаалла.

Таатта улууһа өрөспүүбүлүкэ биир улахан успуорт тэрээһинин ыытарга бэлэмнэнэр уонна Ытык Күөл сэлиэнньэтигэр икки сүрүн эбийиэги тутуутун түмүктүүр — 1000 миэстэлээх успуорт комплекса уонна стадион үлэҕэ киириэхтэрэ. Ол туһунан Тутуу министиэристибэтигэр иһитиннэрдилэр.

8 тыһыынча квадратнай миэтэрэ иэннээх саҥа спорткомплекса Саха сиригэр саамай улахан буолуоҕа. Манна универсальнай успуорт саалата, аэробикаҕа саалата, остуол тенниһэ, тренажердар, тир, о.д.а. бааллар. Манна биир тэҥник 125 киһи дьарыктаныан сөп. Билигин эбийиэги бэлэмнээһин 94 %-на түмүктэммит.

Стадион улууска сүрүн аренанан буолар. Трибуналарга уонна фасадка үлэлэр түмүктэммиттэр, сидиэнньэлэри кырааскалааһын уонна сүүрэр суолу уурууга бэлэмнэнии үлэтэ барар. Футбол хонуута бэлэм, эбийиэк үлэтэ барыта 91 % тэҥнэһэр.

Тутуу Саха сирин судаарыстыбаннай сакаасчытын сулууспатынан хонтуруолга сылдьар. Матырыйаал барыта миэстэтигэр турар, үлэ кыраапыгынан баран иһэр.

Санатан эттэххэ, ХХІ «Манчаары оонньуулара» ХХІ спартакиада от ыйын 7-13 күннэригэр Таатта улууһугар ыытыллар.