Мэҥэ Хаҥаласка суол саахалыгар икки киһи эмсэҕэлээбит

Мэҥэ Хаҥаласка суол саахалыгар икки киһи эмсэҕэлээтэ, ол иһигэр сокуоннай сааһын ситэ илик оҕо.

Быһа барыллаан силиэстийэ быһаарбытынан, муус устар 17 күнүгэр киэһэ 22 чаас 35 мүнүүтэ саҕана «Халыма» суол 84 км  УАЗ Патриот массыына 1996 с.т. суоппара Таатта диэки түргэн сырыылаах айаннаан иһэн, дистанцияны тутуспакка, уота-күүһэ суох оту соһон иһэр МТЗ82Л тыраахтары кытта харсыспыт. Бу туһунан Мэҥэ Хаҥалас ГИБДД отделын пресс-сулууспата иһитиннэрэр.

Саахал түмүгэр УАЗ Патриот массыынаҕа олорсон испит 2 пассажир араас эчэйиини ылбыттар: 16 саастаах оҕо сирэйин өлөрбүт, 1975 с.т. дьахтар инники олорсон иһэн араас бааһырыыны ылбыт. Билигин иниспиэксийэ үлэһиттэрэ административнай силиэстийэ ыыталлар.