450 000 солк. суумалаах көмүс киэргэл уоруута арылынна

ИДьМ сулууспатын 2 №-дээх полициятын отделыгар кыбартыыраттан көмүс киэргэл уоруллубутун туһунан иһитиннэрии киирдэ.

Ол курдук, көмүс киэргэли уктааччы дьон ортолоругар уол оҕо төрөөбүтүн бэлиэтээбит эмсэҕэлээччи  ыалдьыттара уорбаланнылар диэн СӨ ИДьМ пресс-сулууспата суруйар.

Суһал-көрдүүр тэрээһиннэринэн, ол киэһэ буолбут хартыынаны хаттаан оҥорон көрдүлэр, ону таһынан эмсэҕэлээччи биир ыалдьыты кытта охсуспута кытта быһаарылынна. Охсуһуу кэмигэр эмсэҕэлээччи түөһүттэн кыһыл көмүс сыап быһа тардыллыбыт. Доҕотторо сыаналаах киэргэл сүтэн хаалыа диэн туумбаҕа кистээбиттэрин үрдүнэн, кэлин көмүс сыап ууруллубут миэстэтигэр көстүбэтэх.

Полиция отделын үлэһиттэрэ уорбаланар ыалдьыты булбуттар. Эмсэҕэлээччи 38 саастаах доҕоро буолбут. Көмүс киэргэли буруйданааччы 150 000 солк. суумаҕа атыылаабыт уонна бэйэтин наадатыгар ороскуоттаабыт. Российскай Федерация Холуобунай Кодексатынан 158 ч. 3 ыст. холуобунай дьыала тэрилиннэ.