Мииринэй Бүтүн Арассыыйатааҕы оҕунан ытыыга турнир кыттыылаахтарын күүтэр

Кулун тутар 7 күнүттэн 9 күнүгэр диэри Мииринэйгэ уопсайа 3 мөлүйүөн солкуобай бириис пуондалаах АЛРОСА куубагар Бүтүн Арассыыйатааҕы оҕунан ытыыга турнир ыытыллыаҕа. Күрэхтэһиилэргэ Арассыыйа уонна Саха Өрөспүүбүлүкэтин сүүмэрдэммит хамаандаларын лиидэрдэрэ кыттыахтара. Алмаастаах киин куорат оҕунан ытыыга турниры аан бастаан көрсөр.

Зелимхан Кцоев, АЛРОСА култуурунай-успуорка комплексын успуорка уонна оҕо сынньалаҥар дириэктэрин солбуйааччы: «Саха сирэ мэлдьи бэргэн спортивнай ытааччыларынан аатырара. Маннык хабааннаах бөдөҥ күрэхтэһиини ыытыы успуорка маастарыстыбаны чочуйуоҕа уонна биһиги өрөспүүбүлүкэбитин сэргэ атын күүстээх оҕунан ытааччылары булуоҕа. Спортсменнар «блочный лук» уонна «классический лук» диэн диссипилиинэлэргэ күөн көрсүөхтэрэ, ону тэҥэ хамаанданан уонна биирдиилээн зачеттар ыытыллыахтара. Финальнай киирсиигэ спортсменнары спарриҥҥа кыайыылаахтары булууга пааранан араарыахтара.»

Турнир спортсменнарга Биир кэлим Бүтүн Арассыыйатааҕы успуорка классификация нормативтарын толороллоругар кыаҕы биэриэҕэ.

Ыспыраапка: 2023 сылга Мииринэйгэ АЛРОСА бирииһигэр оҕунан ытыыга өрөспүүбүлүкэтээҕи турнир буолбута. Онно 12 улуустан уонна Дьокуускай к. 17 хамаандаттан 120 тахса спортсмен кыттыбыта. Оҕунан ытыыга Бүтүн Арассыыйатааҕы турнир «Кыайыы 60 сылын аатынан» СК «Кимберлит» успуорт дыбарыаһыгар ыытыллыаҕа.