Нам балыыһатын саҥа куорпуһугар 128 эпэрээссийэ оҥоһулунна

Нам оройуонун киин балыыһатын саҥа куорпуһа быйыл муус устарга үлэҕэ киириэҕиттэн үрдүк түмүктэри көрдөрөр. Бу кэм иһигэр мэдиссиинэ тэрилтэтэ 936 киһини эмтээтэ, 128 уустук эпэрээссийэ оҥоһулунна.

Түмүктэр

• 936 — эмтэммит дьон ахсаана;
• 128 — оҥоһуллубут эпэрээссийэ ахсаана;
• 2161 —диагностическай чинчийии ыытыллыбыт (УЗИ, рентген уо.д.а);
• 3863 — суһал көмө оҥоһуллубут.

«Саҥа балыыһа — биһиги дьиэ кэргэҥҥэ дьиҥнээх көмөнөн буолар. Урут ыалдьарбытыгар киин куоракка балыыһаҕа сылдьар олус ыарахан этэ, билигин барыта аттыбытыгар, усулуобуйата да олус үчүгэй», — диэн үллэстэр элбэх оҕолоох ийэ Мария.

Саҥа куорпус туһунан

• 3 этээстээх, 3700 кв.м иэннээх, 50 куойкалаах.
• 1 этээс: диагностика, суһал көмө, акушерство уонна гинекология.
• 2 этээс: терапия уонна реанимация.
• 3 этээс: операционнай блок уонна хирургия.

Урут Нам балыыһата икки эргэ дьиэҕэ үлэлиирэ, ол иһигэр биирэ саахалланар туруктаах этэ. Билигин саҥа куорпус 170 киилэ аныгы тэриллэринэн (рентген-комплекс, эспиэр кылаастаах УЗИ, реанимационнай аппарааттар) хааччыллыбыт. Онон билигин быраастар уустук эпэрээссийэлэри бэйэлэрэ оҥорор буоллулар.

Санаттахха, бу балыыһа дойду Бэрэсидьиэнэ Владимир Путин көҕүлээбит «Продолжительная и активная жизнь» национальнай бырайыагын чэрчитинэн тутуллубута.

Саха Өрөспүүбүлүкэтин Ил Дарханын уонна  Бырабыыталыстыбатын пресс-сулууспата.

Сиһилии: https://www.sakha.gov.ru/news/68339