Нэдиэлэтээҕи гороскоп (Ыам ыйын 18 –ыам ыйын 25 күннэрэ)

Хой
Ситэ билбэт дьоҥҥор аһары эрэнэн, угаайыларыгар киирэн биэриэххин сөп. Тугу эбит атыылыаххын баҕарар буоллаххына, билигин ыксаама. Эн кэмиҥ кэлэ илик. Үп-харчы өттүгэр балыйтарыаххын сөп.

Оҕус
Ытыктабылы ылар уустук, оттон сүтэрэр дөбөҥ. Онон бар дьоҥҥо эйэҕэстик, киһилии сыһыаннаһа сырыт. Наһаа үрдүктүк туттан, чугас дьоҥҥун кэлэтиэххин сөп.

Игирэлэр
Тумуу, дьаҥ-дьаһах киириэн сөп. Эрдэттэн битэмииннээх утахтары иһэн доруобуйаҕын бөҕөргөт. Аҕа саастаах аймахтарыҥ сибээскэ тахсыахтара.

Араак
Дьон ортотугар сылдьан биллэргин-көстөргүн аһары астынаҕын. Ол эрээри дьиҥ искэр олус симиккин. Бэйэҥ дьиҥ майгыгын дьоҥҥо аһаҕастык көрдөрдөххүнэ, дьон быдан чугастык ылыныа, ытыктыа.

Хахай
Дьиэ кэргэҥҥэр уустук кэм. Тапталлааххын кытта өйдөспөт буолуу баар. Оттон соҕотох хахайдар чуҥкуйуохтара. Сэрэхтээхтик сырыт. Эн тускунан соччото суох сурах тарҕаныан сөп. Ол эрээри, кырдьык үрдүгэр сымыйа ыттыбат.

Кыыс
Дьону кытта күрэстэһэргин, ордук кыайыылаах тахсаргын сөбүлүүгүн. Аймахтаргын кытта харчыттан сылтаан өйдөспөт буолуу баар. Чиэһинэй буол, албыннаабытыҥ син биир кэлин арыллыа.

Ыйааһын
Тулаҕар буолар быһыыга-майгыга болҕомто уурарыҥ наада. Чиэһинэй, кырдьыксыт майгыгынан дьон туһаныан сөп. Эрдэттэн маны туоратарга кыһан.

Скорпион
Үпкэ-харчыга сыһыаннаах быһаарыныылары билигин ылымматыҥ ордук. Ол кэриэтин дьиэ ис-тас үлэтигэр ылсан үлэлээтэххинэ, быдан туһалаах буолуоҕа.

Охчут
Аҕам саастаах чугас дьонуҥ болҕомтоҕор наадыйаллар. Үөһээнэн дайа сылдьыма. Дьоҥҥо көмөлөстөххүнэ, уон оччонон бэ­­йэҕэр эргиллэрин умнума.

Чубуку
Наһаа кыраттан санааҥ түһэр, муунтуйар. Ити барыта быстах кэм буоларын умнума. Кэлэр нэдиэлэ ситиһиилээх буолуоҕа.

Күрүлгэн
Успуордунан дьарыктанаргын астынаҕын. Ол эрээри, ардыгар сүрэҕэлдьээн, былааҥҥын ыһыаххын сөп. Санааҕын сааһыланнаххына, барыта орун-оннугар буолуоҕа.

Балыктар
Албыны-көлдьүнү уйбаккын. Тулалыыр дьоҥҥун хомотоҥҥун бэйэҕиттэн тэйитээри гыммыккын. Дьоҥҥо аһаҕас буол.