Николай Дегтярев түмэл кэлэктиибин кытары көрүстэ

СӨ Идэлээх сойуустарын федерациятын бэрэссэдээтэлэ Николай Дегтярев Национальнай ойуулуур-дьүһүннүүр түмэл кэлэктиибин кытары көрүстэ.

Көрсүһүүгэ Николай Дегтярев култуура эйгэтин үлэһиттэригэр профсоюз үлэтин-хамнаһын сырдатта, РФ Бэрэсидьиэнэ Владимир Путин үлэ дьонун өйүүрүн бэлиэтээн эттэ.

—Бастыҥтан бастыҥ үлэһиттэргэ РФ Үлэ Дьоруойун үрдүк аата иҥэриллэр, «Үлэҕэ килбиэнин иһин» уордьанынан наҕараадаланаллар. Биһиги Сахабыт сиригэр үс киһи Үлэ Дьоруойун үрдүк аатын ылбыттара. Бу үлэ киһитигэр ытыктабыл бэлиэтэ буолар, — диэн этэр кини.

Түмүккэ Николай Дегтярев бастыҥ үлэһиттэр эдэр ыччаты иитэн-үөрэтэн таһаарарга үтүө холобурунан буолалларын бэлиэтээтэ.