Николай Соболев: «Патриотическай иитии улахан суолталаах»
08.05.2024, 10:48
Ил Дархан, бырабыыталыстыба дьаһалтаын пресс-сулууспата.
Бөлөххө киир:
Арассыыйа Дьоруойа, майор Николай Соболев бэрэсидьиэн Владимир Путин солотугар киириитин сиэрин-туомун кэнниттэн бэйэтин санаатын үллэһиннэ.
— Бэрэсидьиэн эппит «көлүөнэлэр солбуһуулара» олохпутугар олус суолталаах дии саныыбын. Манна үүнэр көлүөнэни патриотическай өйгө-санааҕа иитии ордук суолталаах. Соторутааҕыта Дьокуускайга «Юнармия» киинигэр оҕолору кытта көрсүбүтүм, Аҕа дойду сэриитин, хос эһэлэрбит хорсун быһыыларын туһунан кэпсэппиппит. Оҕолор дойду устуоруйатын билэллэриттэн, бэйэлэригэр интэриэһинэй дьыаланан дьарыктаналларыттан мин үөрбүтүм. Бу маннык туһалаах хамсааһын бэрэсидьиэн Владимир Путин уонна Ил Дархан Айсен Николаев өйөбүллэринэн, сайдар, тэнийэр.
Бэрэсидьиэн Уһук Илини сайыннарар сыаллааҕын эрдэттэн этэр этэ. Үлэ бөҕө барар. Дьокуускайга кэлэн баран, куораппыт хайдах курдук уларыйан эрэрин, сайдыы барбытын көрөн үөрэбин. Инникитин өссө улахан уларыйыылар буолуохтара, улахан тутуулар тутуллуохтара диэн эрэллээхпин, — диэн кини эттэ.
Николай Соболев этэринэн, Путин анал байыаннай дьайыы кыттыылаахтарыгар өйүүргэ болҕомтону уурбута саамай сөптөөх. Фашизмы кыайа иликпитинэ, ким да тохтуо суоҕа.
Санаттахха, Владимир Путин бэрэсидьиэн солотугар киириитин сиэрэ-туома Кириэмил Улахан дыбарыаһын Андреевскай саалатыгар ыам ыйын 7 күнүгэр буолбута. Арассыыйа баһылыга норуокка бирисээгэтин Федеральнай Мунньах чилиэннэрин, РФ Конституционнай суутун судьуйаларын, Госдуума дьокутааттарын, уопсастыбаннас иннигэр бигэргэппитэ.
Арассыыйа бэрэсидьиэнин быыбара бу сыл кулун тутар 15-17 күннэригэр буолбута. Саха сирэ кинини өйөөн, 87,79% куолаһын биэрбитэ.
Ил Дархан, Бырабыыталыстыба дьаһалтатын пресс-сулууспата.
+1
1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: