АЛРОСА үлэһитэ — Арассыыйа Дьоруойа

Ил Дархан Айсен Николаев бүгүн Мииринэй улууһугар үлэлиир.  Кини АЛРОСА хаһаайыстыбаннай актыыбыгар хампаанньа тыһыынчанан үлэһитин 2023 сыллааҕы ситиһиилээх  үлэлэринэн эҕэрдэлээтэ. 

Итиэннэ АЛРОСА хампаанньаҕа уонна өрөспүүбүлүкэҕэ барытыгар үөрүүлээх сонуну иһитиннэрдэ. Ол туһунан кини телеграм-ханаалыгар:

— РФ Бэрэсидьиэнэ  Владимир Владимирович Путин ыйааҕынан АЛРОСА АК  Удачнайдааҕы хайаны байытар кэмбинээтин үлэһитигэр, хорсун байыас  Николай Евдокимовка Арассыыйа Дьоруойа аата иҥэрилиннэ.  Николай Красноярскайтан төрүттээх. Мииринэйтэн сулууспаҕа ыҥырыллан барбыта.  Ис сүрэхпиттэн биһиги Дьоруойбутун эҕэрдэлиибин. Саха сирэ барыта киэн туттар! — диэн суруйда.