Ахсынньы 1 күнүгэр бас билэр баай-дуол нолуогун (имущественный налог) төлөнөр болдьоҕо бүтэр.
Дьиэни-уоту, сир учаастагын, тырааныспары бас билэр дьоҥҥо нолуок туһунан иһитиннэриилэри буостанан номнуо ыыппыттара. Ону тэҥэ, www.nalog.gov.ru саайтка Тус кэбиниэттэригэр уонна «Налоги ФЛ» мобильнай сыһыарыыга иһитиннэрии тиийбит буолуохтаах.
Бу нолуок сулууспатын саайтыгар Тус кэбиниэккэ “Госуслуги” порталга учуот суругунан, эбэтэр, нолуок уорганыгар баран, пароль ылбыт буоллаххына, киирэр кыахтааххын.
Оттон “Госуслуги” порталга нолуок иһитиннэриитэ билиҥҥитэ тиийбэт. Ахсынньы 1 күнүн кэнниттэн, төлөммөтөх буоллаҕына, иэс үөскээтэҕинэ, суумата көстөр буолар.
Нолуогу хайдах табыгастааҕынан: бааннар, терминаллар нөҥүө төлүөххэ сөп. Ону тэҥэ, ФНС саайтыгар «Уплата налогов и пошлин», эбэтэр, «Личный кабинет налогоплательщика физических лиц» диэни баттаан, быһаччы онно төлүөххэ сөп. «Налоги ФЛ» мобильнай сыһыарыыны ФНС саайтыттан www.nalog.gov.ru хачайдаан ыллахха, Тус кэбиниэт онно баар буолар, төлүүргэ судургутуйар.
Оттон төлөөбөтөх дьоҥҥо ахсынньы 2 күнүттэн пени ааҕыллан барар. Пени кээмэйэ – күн аайы Киин баан 1/300 ыстаапкатын кээмэйин саҕа ааҕылла турар. Улахан иэстээх дьоҥҥо бу бас билэр баайдарын туһанар бырааптарын хааччахтааһын, кыраныысса таһыгар тахсалларын хааччахтааһын уонна суут нөҥүө ирдээһин буолар. Онон иэһи мунньубат, кэмигэр төлүүр ордук.
Лиирик-бэйиэт Гавриил Григорьевич Вешников-Баал Хабырыыс хоһооннорунан ырыанньык бэчээттэнэн таҕыста. Саҥа кинигэни бэйиэт төрөөбүт-үөскээбит Курбуһаҕын бибилэтиэкэтэ…
Үс оскуоланы тутуохтара. Бу үөрүүлээх түгэни Өрөспүүбүлүкэ күнүгэр сөп түбэһиннэрэн ыыттылар. Муусука үрдүкү оскуолатын кампуһун…
Аммалар Өрөспүүбүлүкэ күнүгэр анаан субуотунньук тэрийбиттэр. Уһун күөл тулатын ыраастаабыттар. Субуотунньукка сүүсчэкэ үөрэнээччи кыттыыны ылбыт. Бүтүн…
Суоттуга сэргэх тэрээһин буолла. Өрөгөй ырыатын биһирэмигэр нэһилиэк олохтоохторо муһуннулар. Бу күн «Мичээр» сынньалаҥ киинигэр…
Дьокуускайга уһуйаан үлэһиттэригэр аналлаах "Моделирование образовательного процесса по патриотическому воспитанию в ДОО" диэн куурус ыытылынна.…
Арассыыйа бэрэсидьиэнэ Владимир Путин муус устар 28 күнүгэр бырабыыталыстыбаны кытары экэниэмикэ боппуруостарыгар мунньах ыытта. Владимир…