Ньурба нэһилиэктэригэр ыксаллаах быһыы-майгы эрэсиимэ биллэрилиннэ

КЧС быһаарыытынан Ньурба куоракка, Дьаархан уонна Октябрьскай нэһилиэктэригэр ыксаллаах быһыы-майгы  эрэсиимэ биллэрилиннэ. Бу туһунан олоҕу-дьаһаҕы хааччыйар сулууспа салайааччыта Афанасий Кириллин иһитиннэрбитин «Ньурба» хаһыат суруйар. 

— Сарсыарда 8:00 ч. Бүлүү өрүскэ уу таһыма 1129 см (+87), Марха өрүскэ 565 (+153). Дьаархаҥҥа КЧС састааба үлэлии сылдьар. Нэһилиэнньэни көһөрөр туһунан боппуруос билиҥҥи туругунан көтөҕүллэ илик. Муус харан турар сирдэригэр Марха өрүс төрдүгэр уонна Сата, Дабдай арыыларыгар дэлби тэптэрии үлэтин ыытар туһунан сайаапка СӨ гражданскай оборона дьыалатыгар уонна нэһилиэнньэ олоҕор куттал суох буолуутун хааччыйыы министерствотыгар барда, — диэн   «Ньурба» хаһыат суруйда.